Атырауда еріктілер фестивалі өтіп жатыр
Атырау қаласында “ATYRAU VOLUNTEER FEST” еріктілер фестивалі басталды, деп хабарлайды жергілікті әкімдік. Бұл туралы ZontNews.kz. хабарлайды.
Ауқымды іс-шараға өңірден 1000-ға жуық ерікті мен белсенді жастар, сондай-ақ халықаралық және отандық ұйым өкілдері қатысуда.
Фестиваль аясында спикерлермен ашық кездесулер ұйымдастырылып, түрлі сала мамандары жастармен тәжірибе алмасуда. Алғашқы сессияда UNICEF өкілі мен IT-кәсіпкер жастарға волонтерліктің жаһандық деңгейдегі рөлі туралы айтты.
Бағдарлама барысында БҰҰ құрылымдарының мамандары, қоғамдық белсенділер және шығармашылық өкілдер де сөз сөйлеп, еріктіліктің кәсіби даму мен әлеуметтік жауапкершілікке әсерін атап өтті.
Ұйымдастырушылардың мәліметінше, өңірде еріктілер қозғалысы қарқынды дамып келеді. Қазіргі таңда Атырау облысында мыңға жуық ерікті жас, 150-ден астам күміс волонтер және ондаған үкіметтік емес ұйым жұмыс істейді.
Фестиваль аясында 15-ке жуық ұйым өз жобаларын көрме форматында таныстырып, қатысушылар экология, медицина және әлеуметтік көмек бағытындағы бастамалармен танысуда.
Іс-шара кешкі гала-концертпен қорытындыланады.
Өңірлер
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз