Талғардағы қанды оқиға: жеті баланың әкесінің өліміне қатысты тергеу жүріп жатыр
Алматы облысында адам өліміне байланысты резонансты іс қозғалды. 14 ақпанда Талғар қаласында жеті баланың әкесі қаза тапты. Ер адамның денесінен көптеген пышақ жарақаты анықталған, деп хабарлайды ZontNews.kz.
Құқық қорғау органдары бұл істі аса ауыр қылмыс ретінде қарап жатыр. Күдікке марқұмның жұбайы мен енесі ілініп отыр. Қазіргі уақытта екеуі де ұсталып, уақытша ұстау изоляторына қамалған.
Тергеу мәліметінше, оқиға отбасылық-тұрмыстық жанжал аясында болған. Алдын ала нұсқа бойынша, қылмыс алдын ала сөз байласу арқылы жасалған болуы мүмкін. Іс ҚР Қылмыстық кодексінің 99-бабы 2-бөлігі 7-тармағы бойынша - адамдар тобы жасаған кісі өлтіру дерегімен тіркелген.
Кейбір деректерге сүйенсек, жанжалға жылқының жоғалуы түрткі болған. Марқұм бұған дейін малдарының ұрланғаны туралы арыз жазған. Тергеу барысында бұл жайттың отбасындағы шиеленіске әсер еткені тексеріліп жатыр.
Қазір қылмыстық іс аясында барлық мән-жай анықталуда. Тергеу жалғасып жатыр.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз