Үсік пен дауыл: елде ауа райы күрт бұзылады
Қазгидромет 27 сәуірге Қазақстанның басым бөлігінде қолайсыз ауа райына байланысты дауылды ескерту жариялады. Синоптиктердің мәліметінше, бірқатар өңірлерде түнгі уақытта үсік жүру қаупі бар, деп хабарлайды ZontNews.kz.
Елордада кей уақыттарда тұман түсіп, түнде топырақ бетінде 1 градусқа дейін үсік болуы мүмкін. Алматы қаласында күндіз жаңбыр жауып, найзағай күтіледі, ал солтүстік-батыстан соғатын желдің екпіні 15 м/с-қа дейін жетеді.
Шымкент қаласында күндіз желдің жылдамдығы 15–20 м/с-қа дейін күшейеді. Жалпы ел бойынша жаңбыр, найзағай, бұршақ және қатты жел болжанып отыр.
Алматы облысы таулы аймақтарында қатты жаңбыр мен бұршақ күтілсе, Жамбыл облысы аумағында желдің екпіні кей жерлерде 25 м/с-қа дейін жетуі мүмкін.
Ал Қызылорда облысы мен Маңғыстау облысы өңірлерінде шаңды дауыл болжанса, Батыс Қазақстан облысы аумағында бұршақ аралас жаңбыр жаууы ықтимал.
Сонымен қатар Ақмола облысы, Қостанай облысы және Павлодар облысы өңірлерінде түнде топырақ бетінде 1–3 градусқа дейін үсік жүруі мүмкін.
Синоптиктер тұрғындарға ауа райының күрт өзгеруіне байланысты сақтық шараларын ұстануды ескертті.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз