Шымкентте әйелді өлтіру ісі: сот апелляцияда жаза мерзімін ұзартты
Шымкент қалалық сотында қоғамда үлкен резонанс тудырған 26 жастағы әйелдің өліміне қатысты қылмыстық іс бойынша апелляциялық үкім шықты. Бұл туралы ZontNews.kz Orda.kz. -ке сілтеме жасап хабарлайды.
Бірінші сатыдағы сотта 17 жастағы айыпталушы 7 жыл 6 айға бас бостандығынан айырылған еді. Жәбірленуші тарап үкіммен келіспей, апелляциялық шағым түсірген. Нәтижесінде сот алқасы жазаны 8 жыл 6 айға дейін ұлғайтты.
Сот шешімі бойынша, Қылмыстық кодекстің 99-бабы 1-бөлігі («Қасақана адам өлтіру») және 188-бабы 1-бөлігі («Ұрлық») негізінде тағайындалған жазалар толық қосылып, түпкілікті 8 жыл 6 ай бас бостандығынан айыру жазасы белгіленді. Сонымен қатар жәбірленушілерге моральдық зиян үшін төленетін өтемақы көлемі ұлғайтылды.
Сот алқасы мәйітті қорлау дерегі бойынша бірінші сатыдағы соттың ақтау үкімімен келісті. Судьяның айтуынша, айыпталушының әрекеті қылмысын жасыру мақсатында жасалған, ал бұл бап бойынша кінәсі дәлелденбеген.
Алайда марқұмның анасы үкіммен келіспейтінін мәлімдеді. Оның сөзінше, тергеу барысында айтылған кейбір жайттар сотта ескерілмеген. Ол Жоғарғы сотқа жүгінетінін жеткізді.
Еске салсақ, өткен жылдың тамыз айында Шымкент қаласында жоғалған 26 жастағы әйелдің денесі қоқыс маңынан табылған болатын. Тергеу деректеріне сәйкес, күдікті жасөспірім марқұмның ұялы телефонын сатып жіберген.
Марқұмның артында екі қызы мен жұбайы қалды.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз