Щучинскідегі кафеде болған жарылыс: 7 адам қаза тапты, 26 адам зардап шекті
Щучинск қаласындағы «Палау орталығы» кафесінде болған жарылысқа байланысты Ақмола облысы әкімдігі жаңартылған ақпарат ұсынды, деп хабарлайды ZontNews.kz.
Ресми мәліметке сәйкес, төтенше жағдай салдарынан 7 адам қаза тапқан, олардың арасында 16 жастағы қыз бала бар. Бұған дейін жарылыстан кейін өрт шығып, адам шығыны болғаны хабарланған еді.
Жедел деректер бойынша, 26 адам зардап шеккен. Оның 13-і ауруханаға жатқызылды, тағы 6 адам амбулаториялық ем қабылдап жатыр.
Өңірлік төтенше жағдайлар департаментінің хабарлауынша, 5 зардап шегуші Көкшетаудағы көпсалалы облыстық ауруханаға жеткізілген. Қалған екі науқасты тасымалдауға дайындық жүргізілуде.
«Барлық зардап шеккендерге қажетті медициналық көмек көрсетіліп жатыр. Олардың жағдайы дәрігерлердің тұрақты бақылауында», – делінген ресми хабарламада.
Қазіргі уақытта оқиға орнында облыстық жедел штаб жұмыс істеп жатыр. Жарылыстың себептері анықталуда. Ақмола облысының әкімдігі қаза тапқандар мен зардап шеккендердің отбасыларына тиісті көмек көрсетілетінін мәлімдеді.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз