Сенат балалардың құқығын қорғауға қатысты екі маңызды заңды мақұлдады
Астанада өткен Сенаттың жалпы отырысында балалардың мүддесін қорғауға бағытталған екі халықаралық құжат мақұлданды. Бұл заңдар кәмелетке толмаған балаларға алимент өндіру тәртібін жеңілдетуге және олардың құқықтарын тиімді қорғауға мүмкіндік береді, деп хабарлайды ZontNews.kz.
Қабылданған құжаттар 1993 және 2002 жылдардағы құқықтық көмек туралы конвенцияларға өзгерістер енгізуді көздейді. Негізгі жаңалық – енді алиментке қатысты сот бұйрықтары да басқа мемлекеттердің аумағында танылып, мәжбүрлі түрде орындала алады. Бұған дейін мұндай тетік толыққанды жұмыс істемеген.
Сенат мәліметінше, бұл өзгерістер трансшекаралық жағдайларда алимент өндіруді айтарлықтай жеңілдетіп, балалардың құқықтарын қорғауды күшейтеді. Сонымен қатар сот шешімдерімен қатар сот бұйрықтарының да орындалуын қамтамасыз ету жүйесі кеңейтіледі, өтініш беру тәртібі нақтыланып, қажетті құжаттар тізімі толықтырылады.
Ресми деректерге сәйкес, 2020–2025 жылдар аралығында Қазақстанда балалардың пайдасына шетелдік сот шешімдері негізінде 100-ден астам атқарушылық іс жүргізілген. Жалпы берешек көлемі шамамен 47 млн теңгеге жеткен. Тек 2025 жылдың өзінде Әділет министрлігіне шетелдік сот шешімдерін тану туралы 12 өтініш түскен.
Сенаторлардың айтуынша, бұл заңдар халықаралық деңгейде құқықтық ынтымақтастықты күшейтіп, балалардың мүддесін қорғауды жаңа деңгейге көтереді. Сонымен қатар құжаттарды іске асыру қосымша бюджет шығындарын талап етпейді және теріс әлеуметтік салдарға әкелмейді.
Айта кетейік, бұған дейін бұл заңдарды Мәжіліс те мақұлдаған болатын.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз