«Самұрық-Энерго» компаниясын енді Аңсар Айдаров басқарады
«Самұрық-Қазына» АҚ басқармасының шешімімен Аңсар Айдаров «Самұрық-Энерго» АҚ басқарма төрағасы қызметіне тағайындалды, деп хабарлайды ZontNews.kz
Жаңа басшыны компания ұжымына «Самұрық-Қазына» АҚ басқарма төрағасы Нұрлан Жақыпов таныстырды.
Кездесу барысында Нұрлан Жақыпов стратегиялық инвестициялық жобаларды белгіленген мерзімде жүзеге асырудың маңыздылығына тоқталды. Сондай-ақ электр станцияларын уақытылы іске қосу қажеттігін атап өтті.
Аңсар Айдаров 2013 жылдан бері «Самұрық-Қазына» қорының компаниялар тобында еңбек етіп келеді. Әр жылдары «Жетісу энергиясы» ЖШС бас директоры, «Самұрық-Энерго» АҚ жобалық офисінің басшысы және инвестициялар жөніндегі бас директоры қызметтерін атқарған.
Еске салайық, 28 қазанда «Самұрық-Энерго» компаниясының бұрынғы басқарма төрағасы Қайрат Мақсұтовтың қызметінен босатылғаны белгілі болды.
Үкіметтің баспасөз қызметі кадрлық шешімге стратегиялық инвестициялық жобаларды іске асыру қарқынының баяулығы, сондай-ақ жаңа генерациялау қуаттарын салу және пайдалануға беру мерзімдерінің сақталуына бақылаудың жеткіліксіздігі себеп болғанын хабарлаған.
Бұған дейін Үкімет отырысында премьер-министр Олжас Бектенов Қайрат Мақсұтовтың қызметінен босатылуына қатысты пікір білдірген еді.
Оның айтуынша, бұрынғы басшыға бірнеше рет ескерту жасалғанымен, тиісті қорытынды шығарылмаған.
«Сондықтан президент тарапынан қатаң сын айтылды, содан кейін тиісті шешім қабылданды», – деді Олжас Бектенов.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әлем жаңалықтары
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз