Референдум: үгіт-насихат кезеңі басталып, негізгі күндер бекітілді
Қазақстан Республикасы Орталық сайлау комиссиясы алдағы республикалық референдумға қатысты электоралдық іс-шаралар кестесін жариялады, деп хабарлайды ZontNews.kz
12 ақпаннан 14 наурыз сағат 00:00-ге дейін дауыс беруге байланысты үгіт-насихат жұмыстары жүргізіледі.
21 ақпанда аумақтық және учаскелік комиссиялардың құрамы мен сайлау учаскелерінің шекаралары туралы мәліметтер жарияланады.
22 ақпанда дауыс беруге арналған тізімдер референдум комиссияларына ұсынылады.
27 ақпан мен 4 наурыз аралығында азаматтарға дауыс беру уақыты мен орны туралы хабар беріледі.
12–14 наурыз күндері бюллетеньдер жеткізіледі.
14 наурыз – дауыс беру алдындағы тыныштық күні.
15 наурыз – референдум күні. Дауыс беру сағат 7:00-ден 20:00-ге дейін өтеді.
Референдум қорытындылары туралы Орталық сайлау комиссиясының ресми хабарламасы дауыс беру өткен күннен бастап жеті күннен кешіктірілмей жарияланады.
Егер Жаңа Конституция жобасы республикалық референдумда қабылданса, ол 2026 жылғы 15 наурыздан бастап ресми түрде күшіне енеді. Бұл норма жоба құжатының 94-бабында көрсетілген. Құжатқа сәйкес, жаңа Конституция қолданысқа енгізілген сәттен бастап бұрынғы Конституцияның күші жойылады.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз