Ұлытаулық саяхатшы жаяу жүріп Парижге жетті
Ұлытау өңірінің 76 жастағы саяхатшысы Сарсенбай Қотырашов жаяу сапарының кезекті кезеңін аяқтап, Париж қаласына жетті. Ол 53 күн ішінде Еуропаның бірнеше елін кесіп өтіп, шамамен үш мың шақырым жол жүрген, деп хабарлайды ZontNews.kz. 24.kz-ке сілтеме жасап.
Саяхат бағыты Сербия, Венгрия, Австрия және Германия арқылы өткен. Соңғы нүкте – Франция астанасы Парижде ақсақалды Қазақстан елшілігінің дипломаттары мен отандастары қарсы алған.
Сондай-ақ саяхатшы ЮНЕСКО штаб-пәтерінде құрметке ие болды. Ол халықаралық бағыттар арқылы Қазақстан мәдениетін насихаттап жүрген тұлға ретінде жоғары бағаланған.
Бұл Еуропа сапары – оның көпжылдық жобасындағы төртінші ірі кезең. Бұған дейін Сарсенбай Қотырашов Қазақстанды толық жаяу аралап, Кавказ арқылы Стамбұл қаласына дейін жеткен, кейін Алтай мен Моңғолия арқылы Бейжің қаласына дейін барған.
Саяхатшының айтуынша, басты мақсаты – 75 жастан асқан жаяу саяхатшы ретінде Гиннестің рекордтар кітабына ену. Ол үшін 40 мың шақырымнан астам жол жүру қажет. Қазіргі таңда оның еншісінде 18 мың шақырым бар.
Қазақстанға оралған соң ол ұсталық кәсібін жалғастырып, жаңа бағытқа дайындықты бастауды жоспарлап отыр. 2027 жылы ақсақал АҚШ-қа барып, Атлант мұхитынан Тынық мұхитына дейін сегіз штат арқылы жаяу өтуді көздеп отыр.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз