Қазақстанда трансплантация саны артып, 2025 жылы 310 операция жасалды
Қазақстанда ағза трансплантациясы дамып келеді. 2023 жылы 236 операция жасалса, 2024 жылы - 260, ал 2025 жылы 310 операция орындалған. 2026 жылдың қаңтар-қыркүйек айларында 208 трансплантация жасалды, деп хабарлайды ZontNews.kz.
Қазір елімізде 11 трансплантация орталығы мен HLA-типтеу жүргізетін бес зертхана жұмыс істейді. Қайтыс болғаннан кейінгі донорлардан алынған ағзаларды пайдалану арқылы жасалған операциялар саны да өсіп, 2025 жылы 68-ге жетті. 2026 жылдың тоғыз айында осындай 42 операция орындалды.
Алайда трансплантацияны күтіп жүрген пациенттер саны әлі де көп. 2026 жылғы қыркүйектегі мәлімет бойынша, күту парағында 4 867 адам, оның ішінде 126 бала бар. Олардың 4,2 мыңнан астамы бүйрек трансплантациясына мұқтаж.
Қазақстан азаматтары қайтыс болғаннан кейінгі донорлыққа қатысты келісімін немесе бас тартуын медициналық ұйымдар арқылы не eGov порталының көмегімен тіркей алады. Қажет болған жағдайда шешімін өзгертуге де құқылы.
2026 жылғы 1 қыркүйектегі жағдай бойынша eGov арқылы 184 191 ерік білдіру тіркелген. Оның ішінде 17 158 адам донорлыққа келісім берсе, 167 033 адам бас тартқан. Бір жыл ішінде келісім берген азаматтар саны 75%-ға, ал тіркелген ерік білдірулердің жалпы саны 31%-ға артқан.
Мамандар донорлыққа қатысты шешімді сенімді ақпаратқа сүйене отырып, ерікті түрде қабылдаудың маңызын атап өтеді.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әлем жаңалықтары
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз