Қазақстанда азық-түлік бағасына бақылау күшейтіледі
Қазақстанда азық-түлік бағасын тұрақтандыру шаралары күшейтіледі. Әкімдіктер нарықтағы жағдай туралы апта сайын есеп беріп отырады, деп хабарлайды ZontNews.kz
Премьер-министр Олжас Бектенов мемлекеттік органдарға инфляцияның өсуін тежеу және оны төмендету үшін бірлесіп жұмыс істеуді тапсырды.
«Бұл үшін барлық мүмкіндік бар. Ол үшін барлық мемлекеттік органның келісілген іс-қимылы қажет», – деді Үкімет басшысы.
Әкімдіктер қабылданған шаралардың азық-түлік бағасына әсерін апта сайын бақылап, нәтижесін Сауда және интеграция министрлігіне жолдайды. Министрлік жергілікті атқарушы органдармен бірлесіп, әлеуметтік маңызы бар азық-түлік тауарларына белгіленген сауда үстемесінің сақталуын тексереді.
Сауда және интеграция, сондай-ақ Ауыл шаруашылығы министрліктеріне қысқы кезеңге жеткілікті азық-түлік қорын қалыптастыру үшін екі апта берілді. Ол үшін тұрақтандыру қорларын белсенді пайдаланып, өнімді тікелей жеткізу көлемін арттыру қажет.
Ұлттық экономика министрлігі Ұлттық банкпен және басқа мемлекеттік органдармен бірлесіп, 20 қарашаға дейін бюджет, салық және ақша-кредит саясатын үйлестіруге бағытталған шараларды әзірлеуге тиіс.
Үкімет қабылданатын шаралар бағаның өсуін баяулатып, халықтың нақты табысын арттыруға ықпал етеді деп есептейді.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әлем жаңалықтары
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз