Еңбек нарығында сұраныс пен ұсыныс теңесуге жақындады
Еңбек және халықты әлеуметтік қорғау министрлігі электрондық еңбек биржасындағы ахуалды жариялады, деп хабарлайды ZontNews.kz.
Наурыз айында Enbek.kz порталында 102,6 мың бос жұмыс орны және 107,1 мың түйіндеме орналастырылған. Осылайша, жұмыс іздеушілер саны әлі де басым болғанымен, айырмашылық небәрі 4,5 мыңды құрады. Бұл көрсеткіш қаңтардағы 60 мың және ақпандағы 26 мың айырмамен салыстырғанда айтарлықтай қысқарған.
Жыл басынан бері платформада 304,3 мың вакансия мен 394,4 мың түйіндеме жарияланған. Наурызда бос жұмыс орындары 3,7%-ға өссе, түйіндеме саны 14,3%-ға азайған.
Ең жоғары сұраныс білім беру (22,6 мың), қызмет көрсету (21,2 мың), денсаулық сақтау (8,7 мың) және ауыл шаруашылығы (7,9 мың) салаларында байқалады. Өңірлер ішінде Түркістан, Қарағанды облыстары, сондай-ақ Астана мен Павлодар алдыңғы қатарда.
Жұмыс іздеушілердің 42%-ы – 35 жасқа дейінгі жастар. Әйелдер белсенділігі жоғары: түйіндемелердің 54%-ын әйелдер жариялаған.
Жалақы бойынша ең жоғары ұсыныс 1,4 млн теңгеге дейін жеткен. Ал кейбір үміткерлер 4,2 млн теңгеге дейін жалақы күтетінін көрсеткен.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз