Қазақстан мен Моңғолия стратегиялық серіктестікті нығайтуға келісті
Қасым-Жомарт Тоқаев пен Ухнаагийн Хурэлсух ресми делегациялар қатысуымен кеңейтілген құрамда келіссөздер жүргізді. Кездесу барысында тараптар екіжақты ынтымақтастықтың достық пен өзара қолдау рухында дамып келе жатқанын атап өтті, деп хабарлайды ZontNews.kz. Ақордаға сілтеме жасап.
Қазақстан Президенті Моңғолия басшысына елімізге мемлекеттік сапармен келгені және аймақтық экологиялық саммитке қатысу ниеті үшін алғыс білдірді. Сондай-ақ 2024 жылғы Моңғолияға жасаған сапарын еске алып, сол сапар нәтижесінде қол жеткізілген келісімдер екі ел қатынасын стратегиялық серіктестік деңгейіне көтергенін айтты.
Мемлекет басшысы сауда-экономикалық байланыстардың нығайып келе жатқанын жеткізіп, нақты жобаларды іске асыру жоспарланып отырғанын атап өтті. Биыл елордада өтетін қазақ-моңғол бизнес-форумына Моңғолиядан көптеген компания қатысатыны белгілі болды.
Өз кезегінде Моңғолия президенті бұл сапар екі халық арасындағы достықты одан әрі бекемдей түсетініне сенім білдірді. Ол Қазақстанды Моңғолияның Орталық Азиядағы алғашқы стратегиялық серіктесі ретінде атап, екі ел арасындағы тауар айналымын 500 миллион долларға дейін жеткізу міндеті тұрғанын айтты.
Ресми мәліметке сәйкес, өткен жылы Қазақстан мен Моңғолия арасындағы сауда көлемі 7,7 пайызға өсіп, 130 миллион доллардан асқан.
Келіссөздер барысында ауыл шаруашылығы, өнеркәсіп, цифрландыру, тау-кен, туризм және көлік-логистика салаларындағы ынтымақтастық перспективалары қарастырылды. Сондай-ақ Астана – Ұлан-Батыр және Өскемен – Өлгей бағыттары бойынша әуе қатынасын қайта жандандыру, сондай-ақ тікелей автокөлік жолын салу мәселелері талқыланды.
Кездесу қорытындысы бойынша тараптар сауда-экономикалық, энергетикалық, қаржы, ғылым, мәдениет және медиа салаларын қамтитын бірқатар меморандумдарға қол қойды.
Жаңалықтар
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз