Аптасына 41 сағаттан көп еңбек ететіндер көбейді
Қазақстанда ұзартылған жұмыс аптасымен еңбек ететіндердің саны артып келеді. 2026 жылдың бірінші тоқсанының қорытындысы бойынша аптасына 41 сағаттан артық жұмыс істейтін азаматтар саны 1,4 миллион адамға жетті. Бұл өткен жылдың сәйкес кезеңімен салыстырғанда 13,8 пайызға немесе 170,8 мың адамға көп, деп хабарлайды ZontNews.kz.
Зерттеу деректеріне сәйкес, артық жұмыс істейтіндердің басым бөлігі ер адамдар. Қазіргі уақытта аптасына 41 сағаттан көп еңбек ететін ерлер саны 897,7 мың адамды құраса, әйелдер саны 507,6 мың адамға жеткен. Нәтижесінде мұндай қызметкерлердің жұмыспен қамтылған халық арасындағы үлесі 15 пайызға дейін өсті.
Ұзақ жұмыс уақыты көбіне 35–44 және 45–54 жас аралығындағы азаматтар арасында байқалады. Ал жастар арасында бұл көрсеткіш айтарлықтай төмен.
Сарапшылардың мәліметінше, ұзартылған жұмыс аптасымен еңбек ететіндердің көбі жалдамалы қызметкерлер болғанымен, олардың үлесі өзін-өзі жұмыспен қамтығандар арасында жоғары. Бұл санаттағы азаматтардың 22,4 пайызы аптасына 41 сағаттан артық жұмыс істейді.
Салалар бойынша қарастырғанда, ұзақ жұмыс істейтіндер ең көп сауда және автокөлік жөндеу, өнеркәсіп, көлік және қоймалау, құрылыс пен ауыл шаруашылығы бағыттарында тіркелген. Ал үлес көрсеткіші бойынша тау-кен өнеркәсібі алда келеді. Бұл сала қызметкерлерінің 31,5 пайызы аптасына 41 сағаттан астам уақыт еңбек етеді.
Ал білім беру, денсаулық сақтау және қаржы салаларында ұзартылған жұмыс аптасымен еңбек ететіндердің үлесі салыстырмалы түрде төмен.
Жалпы алғанда, Қазақстандағы жұмыспен қамтылған халықтың орташа жұмыс уақыты аптасына 39 сағатты құрады. Ең ұзақ жұмыс аптасы тау-кен өнеркәсібінде тіркелсе, ең қысқа жұмыс уақыты ауыл шаруашылығы саласында байқалған.
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз