Угандада жаңа король таққа отырды
Угандадағы Торо корольдігінің жаңа билеушісі болып 56 жастағы Эдвард Рукиди Ньябонго тағайындалды, деп хабарлайды ZontNews.kz.
Оны таққа отырғызу рәсімі 2026 жылғы 29 қыркүйекте Форт-Портал қаласында өтті. Эдвард Рукиди Ньябонго бұған дейін Uganda Broadcasting Corporation мемлекеттік компаниясында редактор әрі тележүргізуші болып жұмыс істеген.
Ол 34 жасында қатерлі ісіктен қайтыс болған Тороның бұрынғы королі Ойо Ньимба Кабамба Игура Рукиди IV-нің орнына келді.
Жаңа корольдің таққа отыруы мұрагерлікке қатысты даумен қатар өтті. Қайтыс болған корольдің анасы мен әпкесі жаңа билеушінің тағайындалуына қарсылық білдіріп, Ойоның кішкентай ұлы бар екенін және тақ соған берілуі тиіс екенін мәлімдеді.
Алайда Торо корольдігінде билік ететін Бабиито әулеті мұндай мұрагер туралы білмегенін айтып, дәстүрлі мұрагерлік тәртібін ұстанған. Нәтижесінде Эдвард Рукиди Ньябонго ханзадалар арасынан таңдалып, таққа отырды.
Торо корольдігі қазіргі Уганда аумағында орналасқан және елдегі бес дәстүрлі корольдіктің бірі саналады. Оның автономиялық мәртебесі Уганда Конституциясында бекітілген. Корольдің ресми саяси билігі жоқ, алайда ол дәстүрлі мәдениетті сақтаушы ретінде халық арасында маңызды рөл атқарады.
Әлем жаңалықтары
Тағы
Сізді де қызықтырады
Жаңалықтар
Бөлімге өтіңіз
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз