Трамптың рейтингі рекордтық деңгейге дейін төмендеді
АҚШ президенті Дональд Трамптың қызметін қолдау көрсеткіші 32%-ға дейін төмендеді. Бұл – оның саяси мансабындағы ең төменгі деңгей, деп хабарлайды ZontNews.kz. Reuters агенттігіне сілтеме жасап.
Трампты қолдау көрсеткіші әсіресе латынамерикалық сайлаушылар арасында айтарлықтай азайған. Қазір олардың тек 24%-ы президенттің қызметін мақұлдайды. Ал 2024 жылғы президент сайлауында латынамерикалық сайлаушылардың жартысына жуығы Трампқа дауыс берген.
Тіркелген сайлаушылар арасында демократтар республикашылардан алда келеді – 44% және 37%. Тәуелсіз сайлаушылардың 37%-ы демократтарды, 21%-ы республикашыларды қолдауға бейім. Тағы 28%-ы әзірге таңдау жасаған жоқ.
Сайлаушыларды алаңдататын басты мәселе — күнкөріс құнының өсуі. Қоғамдық көңіл күйге ел экономикасының жағдайы, Иранмен соғыс және әкімшіліктің көші-қон саясаты да әсер етіп отыр.
Сауалнама нәтижелеріне пікір білдірген Трамп өзінің жағдайы «өте жақсы» екенін мәлімдеп, бұқаралық ақпарат құралдарын жағымсыз ақпараттық ахуал қалыптастырды деп айыптады.
АҚШ-тағы аралық сайлау 3 қарашада өтеді. Оның нәтижесі Трамптың президенттік мерзімінің екінші жартысында Конгрестің қос палатасын қай партия бақылайтынын анықтайды.
Әлем жаңалықтары
Тағы
Сізді де қызықтырады
Жаңалықтар
Бөлімге өтіңіз
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз