Садраддин Алматыда стадиондық концертін өткізді
Әнші Садраддин 27 қыркүйекте Алматыдағы Орталық стадионда концерт өткізді, деп хабарлайды ZontNews.kz.
Концерт белгіленген уақыттан жарты сағат кешігіп, сағат 19:30-да басталды. Садраддин ғарышкер бейнесінде скафандр киіп, сахнаға жоғарыдан түсті. Ол кешті «Үйге» және «Грустный танец» әндерімен ашты.
Концерттің екінші бөлімі лирикалық шығармаларға арналды. Әнші стадионның ортасына орнатылған екінші сахнаға шығып, Маңғыстауда қаза тапқан әскери қызметшілерді еске алды. Олардың рухына «Ант» әнін арнаған соң, «Ана» және «Түн» туындыларын орындады.
Екі сағатқа созылған кеште Садраддин 20-ға жуық ән шырқады. Олардың арасында жаңа туындылар да болды. Сонымен қатар ол ливандық әнші Махер Зейнмен, украиналық орындаушы Adro және қырғыз рэпері Bakr-мен дуэт орындады.
Концерт жарнамасында ИК тобының өнер көрсететіні хабарланған еді. Алайда танымал топ сахнаға шықпады.
Бастапқыда Садраддиннің концерттері 26 және 27 қыркүйекке жоспарланған болатын. Маңғыстауда 14 әскери қызметшінің қаза болуына байланысты 25 қыркүйек Қазақстанда Жалпыұлттық аза тұту күні болып жарияланды. Осыған орай әнші концерттерін 27 және 28 қыркүйекке ауыстырды.
Trends
Тағы
Сізді де қызықтырады
Жаңалықтар
Бөлімге өтіңіз
Сұхбат
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Қоғам тынысы
Бөлімге өтіңіз
Әлем жаңалықтары
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз