Жанәбіловтер ісі бойынша үкім шықты
Астана қаласының қылмыстық істер жөніндегі ауданаралық сотында блогерлер Ерболат Жанәбілов пен Эльмира Төлегеноваге қатысты іс қаралып, үкім шығарылды, деп хабарлайды ZontNews.kz.
27 сәуірдегі сот отырысында мемлекеттік айыптаушы процестік келісім аясында жаза сұраған. Прокурор Ерболат Жанәбіловті 2 жылға бас бостандығынан айыруды және мүлкін тәркілеуді ұсынды. Алайда Қылмыстық кодекстің 55-бабы негізінде жазаны шартты деп белгілеу сұралды.
Эльмира Төлегеноваға қатысты прокурор 2 жылға бас бостандығынан айыру жазасын, мүлкін тәркілеумен бірге, қылмыстық-атқару жүйесінің минималды қауіпсіздік мекемесінде өтеуді ұсынды. Сонымен қатар, кәмелетке толмаған балаларына байланысты жазаны өтеуді 2 жылға кейінге қалдыруды сұрады.
Сот прокурор ұсынған жаза түрлерімен келісті.
Еске салсақ, 22 сәуірде прокурор ерлі-зайыптыларға 4 жыл бас бостандығынан айыру жазасын сұраған болатын. Ал 24 сәуірде Төлегенова процестік келісім жасау туралы өтініш берген.
Тергеу нұсқасы бойынша, блогерлер онлайн-курстар сату арқылы табыс тапқан. Сұранысты арттыру үшін автокөлік пен басқа да бағалы сыйлықтар ұтысын уәде еткен. Алайда тергеу мәліметінше, жүлде қоры ұйымдастырушылардың жеке қаражаты есебінен емес, қатысушылардан жиналған ақша арқылы қалыптастырылған.
Қоғам тынысы
Тағы
Сізді де қызықтырады
Сұхбат
Бөлімге өтіңіз
Trends
Бөлімге өтіңіз
Сарапшы сөзі
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз