Бурабайға бір аптада 70 мыңнан астам турист келді
Жазғы туристік маусымның басталуымен Бурабай мемлекеттік ұлттық табиғи паркінде демалушылар саны күрт артты. 15–22 маусым аралығында ұлттық паркке 70 мыңнан астам адам келген, деп хабарлайды ZontNews.kz.
Ұлттық парк мәліметінше, осы бір аптаның өзінде аумақтан 116 тоннаға жуық қатты тұрмыстық қалдық шығарылған. Ал маусым айында жиналған қоқыс көлемі 336 тоннаға жетіп, бұл көрсеткіш жылдың алғашқы бес айында шығарылған қалдық мөлшерінен асып түскен.
Туристер ағынының көбеюіне байланысты парк қызметкерлері мен мемлекеттік инспекторлар ерекше қорғалатын табиғи аумақта күнделікті рейдтер өткізіп жатыр. Мақсат – табиғатты қорғау талаптарының сақталуын бақылап, құқық бұзушылықтардың алдын алу.
Өткен демалыс күндері жүргізілген рейдтердің нәтижесінде 10 адам әкімшілік жауапкершілікке тартылды. Олар орман алқабына көлікпен заңсыз кіргені және арнайы белгіленбеген жерлерге шатыр тіккені үшін айыппұл төлеген.
Ұлттық парк өкілдері орманға көлікпен кіру топырақ пен өсімдік жамылғысына зиян келтіретінін, ал рұқсат етілмеген жерлерде шатыр тігу табиғи кешендерге қосымша салмақ түсіретінін ескертті.
Мамандар келушілерді демалыс бағытын алдын ала жоспарлап, тек ресми туристік және пикник аймақтарын пайдалануға, табиғатты қорғау талаптарын сақтап, қоршаған ортаға ұқыпты қарауға шақырды.
Қоғам тынысы
Тағы
Сізді де қызықтырады
Жаңалықтар
Бөлімге өтіңіз
Сұхбат
Бөлімге өтіңіз
Trends
Бөлімге өтіңіз
Өңірлер
Бөлімге өтіңіз
Сарапшы сөзі
Бөлімге өтіңіз
Әлем жаңалықтары
Бөлімге өтіңіз
Әзірге түсініктеме жоқ!
Пікір қалдыратын бірінші адам болыңыз