Тоқаев пен Бектенов 2025 жылдың қорытындысын талқылады
Мемлекет басшысы Қасым-Жомарт Тоқаев премьер-министр Олжас Бектеновті қабылдап, елдің 2025 жылғы әлеуметтік-экономикалық дамуының алдын ала қорытындыларын қарастырды, деп хабарлайды ZontNews.kz.
Үкімет басшысы биылғы экономикалық өсімнің 70 пайызынан астамын өнеркәсіп, сауда және көлік салалары қамтамасыз еткенін баяндады.
Статистикалық мәліметтер бойынша қаңтар мен қараша айларының аралығында көлік қызметтері 20,3 пайызға, құрылыс саласы 14,7 пайызға, ал сауда 8,8 пайызға артқан. Сонымен қатар ауыл шаруашылығы мен өңдеу өнеркәсібінде де тұрақты өсім тіркелді. Инвестициялық белсенділік бойынша негізгі капиталға 18,5 триллион теңге тартылып, жеке инвестициялар ағыны 9,8 пайызға ұлғайды.
Премьер-министр сондай-ақ 2026-2028 жылдарға арналған макроэкономикалық тұрақтандыру бағдарламасының іске асырылуы туралы ақпарат берді. Құжат аясында инфляцияны төмендету және әлеуметтік әл-ауқатты нығайту шаралары қарастырылған. Бұдан бөлек үкімет басшысы жылу беру маусымының барысы мен 2026 жылғы егіс науқанын ерте қаржыландыру жоспары туралы есеп берді.
Президент Қасым-Жомарт Тоқаев кездесу қорытындысы бойынша елдің тұрақты дамуын қамтамасыз етуге бағытталған бірқатар тапсырма берді. Мемлекет басшысы инвестиция тарту, кәсіпкерлікті қолдау және инженерлік-көліктік инфрақұрылымды жаңғырту жұмыстарын жандандыруды жүктеді.
Новости
Еще
Вам также будет интересно
Интервью
Перейти в раздел
Тренды
Перейти в раздел
Мнение эксперта
Перейти в раздел
Комментариев пока нет!
Станьте первым, кто оставит комментарий