Астанадағы қайғылы өрт: үш бала көз жұмды
Астана қаласындағы «Көркем-3» тұрғын үй кешенінде болған өрт салдарынан үш бала қаза тапты, деп хабарлайды ZontNews.kz. Ulysmedia.kz редакциясына сілтеме жасап.
Тұрғындардың айтуынша, өрт шамамен түнгі 01:30-да басталған, ал құтқарушылар 5–7 минут ішінде жеткен. Қызыл жалын 21 қабатты тұрғын үйдің 15-қабатындағы пәтерден шыққан. Жоғары қабаттағы тұрғындар балалар мен әйелдің айқайлаған дауысын естігенін айтады. Куәгерлердің сөзінше, көршілердің бірі көмектесуге тырысқанымен, пәтер есігін аша алмаған. Темір есікте екі құлыптың болуы құтқару жұмыстарын қиындатқан.
Оқиға орнына жедел жеткен өрт сөндірушілер мен полицейлер бірден эвакуация жұмыстарын бастаған. Түтін жайлаған қабаттар тексеріліп, пәтер есіктері қағылып, тұрғындар сыртқа шығарылған. Алайда кейбір тұрғындар бастапқыда дабылға мән бермегенін айтады. Олардың бірі сигнализацияны әдеттегі тексеріс немесе жалған дабыл деп қабылдағанын жеткізді. Ресми мәліметке сәйкес, 20 адам эвакуацияланып, тағы 40-қа жуық тұрғын ғимараттан өздігінен шыққан.
Өрт кезінде пәтер ішінен ауыр күйік алған әйел құтқарылып, ауруханаға жеткізілді. Қазір ол №1 көпсалалы қалалық аурухананың жансақтау бөлімінде жатыр. Өкінішке қарай, оқиға орнынан үш кәмелетке толмаған баланың денесі табылды. Тұрғындардың айтуынша, 13 және 5 жастағы қыздар мен 2 жастағы ұл бала көз жұмған. Өрт кезінде олардың әкесі үйде болмағаны белгілі болды.
Қазақстан Төтенше жағдайлар министрлігі өрт фактісі бойынша қылмыстық іс қозғалғанын хабарлады. Қазір оқиғаның нақты себептері анықталып, тиісті сараптамалар жүргізілуде. Ведомство мәліметінше, пәтер есігі арнайы құралдардың көмегімен ашылған.
Өрттен кейін тұрғындар қауіпсіз жерге көшіріліп, келесі күні олардың бір бөлігі үйлеріне қайта оралды. Сонымен қатар, тұрғындар мен құтқарушылар оқиға кезінде аулаға кірудің қиын болғанын атап өтті. Бұған жабық қоршаулар мен ретсіз қойылған автокөліктер себеп болған. Қазіргі уақытта подъезд пен пәтерлерде күйік иісі әлі сақталып тұр, ал әкімдік зардап шеккендерге жан-жақты көмек көрсетілетінін мәлімдеді.
Регионы
Еще
Вам также будет интересно
Интервью
Перейти в раздел
Тренды
Перейти в раздел
Мнение эксперта
Перейти в раздел
Комментариев пока нет!
Станьте первым, кто оставит комментарий