Қаһар Бинахметов 
Шымкент қалалық судьясы Әбинұр Қарабаевтың журналистке қатысты іс-әрекетіне байланысты қызметтік тексеріс жүргізіліп жатыр, деп жазады ZontNews.kz.
«Тексеріс нәтижелері бойынша материалдар Судьялық әдеп жөніндегі комиссияның қарауына жіберіледі. Егер судьяның ар-намысты қорлайтын әрекеті дәлелденсе, іс Жоғарғы Сот кеңесі жанындағы Судьялық жюриге жолданады», – деп хабарлады соттың баспасөз қызметі.
Оқиға Шымкент қаласы әкімінің орынбасарына қастандық жасау ісі бойынша сот отырысында болған. Процесті жариялап отырған журналист Ботагоз Омарова сот төрағасы Қарабаевтың оған тілін көрсеткенін мәлімдеді.
Журналист бұл жағдайды Facebook парақшасында жазып, оны әзіл ретінде қабылдағанын атап өтті:
«Бүгін Шымкент қаласы әкімінің орынбасарына жасалған қастандық ісі бойынша сотта төраға Абинұр Қарабаев маған кенеттен тілін көрсетті. Мен аң-таң болдым. Қарабаевқа не болды? Бұл әрекет неліктен жасалды? Барлығы дұрыс па? Білмеймін… алаңдап отырмын», – деп жазды ол.