Қаһар Бинахметов 
Нью-Йорктегі БҰҰ Бас Ассамблеясының 80-сессиясы аясында Қазақстан президенті Қасым-Жомарт Токаев пен Украина президенті Владимир Зеленский кездесті, деп хабарлайды ZontNews.kz.
Кездесуде тараптар экономикалық және гуманитарлық ынтымақтастық мәселелерін талқылады. Сондай-ақ қазақстандық компаниялардың Украинаны қалпына келтіру ісіне қатысуы жайы қаралды.
Қасым-Жомарт Токаев қазіргі күрделі жағдайда қақтығысты тоқтатудың дипломатиялық жолдарын іздеу қажеттігін атап өтті.
Владимир Зеленский кейін бұл кездесу туралы Telegram-арнасында жазды.
«Қазақстан Президенті Қасым-Жомарт Токаевпен кездестім. Қазіргі басты міндет – сенімді қауіпсіздік кепілдіктерімен әділ және тұрақты бейбітшілікке қол жеткізу», – деді ол.
Оның айтуынша, тараптар Украина, АҚШ, Еуропа және басқа да серіктестердің соғысты тоқтатуға бағытталған күш-жігерін егжей-тегжейлі талқылады.
«Украинаның егемендігі мен аумақтық тұтастығын қолдағаны үшін Қазақстанға алғыс айтамын», – деп қосты Зеленский.