Қаһар Бинахметов 
Тұрмыстық зорлық-зомбылықтан қаза тапқан Салтанат Нүкенованың есімі елдің тарихи тұлғалар пантеонына енгізілді. Бұл жайында оның ағасы Айтбек Амангелді хабарлады, деп хабарлайды ZontNews.kz.
Айтбектің сөзінше, ол анасымен бірге Қостанай облысындағы «Амангелді» кешеніне барған. Онда мемориалдық қабырға мен пантеон орналасқан.
«Қазақстан тарихындағы маңызды есімдердің қатарында Салтанатқа арналған мемориалдық тақта орнатылды. Бұған дейін біз Павлодардан топырақ апарып, мемориалға капсулаға салғанбыз. Салтуды ел тарихына ықпал еткен тұлғалардың қатарына қосты. Бұл сапар үшін жүрген жолымыз бен жұмсаған уақытымыз толық ақталды», – деп жазды Айтбек Амангелді.
2023 жылғы 9 қарашаға қараған түні Салтанат Астанадағы BAU мейрамханасында қаза тапты. Тергеу дерегінше, оның күйеуі, бұрынғы Ұлттық экономика министрі Қуандық Бишімбаев әйелін ұрып-соғып, бірнеше сағат бойы медициналық көмек көрсетпеген. Салтанат алған жарақатынан қайтыс болды.
2024 жылғы 13 мамырда сот Бишімбаевты азаптау және кісі өлтіру баптары бойынша кінәлі деп танып, 24 жылға бас бостандығынан айырды.
Бұл іс Қазақстан тарихындағы ең көп талқыланған сот процестерінің бірі болды. Миллиондаған адам назар аударды. Қоғам тұрмыстық зорлық-зомбылық мәселесін кеңінен талқылай бастады. Әйел құқығын қорғаушылар мен құқық қорғау ұйымдары заңнаманы өзгерту қажеттігін талап етті.
Қоғамдық қысымнан кейін билік реформалар қабылдады. 2024 жылдың басында Президент Қасым-Жомарт Тоқаев тұрмыстық зорлық-зомбылық үшін жауапкершілікті күшейтетін заңдарға қол қойды. Бұл бастамалар жұрт арасында «Салтанат заңы» деп аталды.
16 маусым 2024 жылы әйелдердің құқықтарын қорғау және балалардың қауіпсіздігін қамтамасыз етуге бағытталған заң күшіне енді.