Қаһар Бинахметов 
Telegram мессенджерінің негізін қалаушы Павел Дуров Қазақстанға сапары барысында ел табиғатын өз көзімен көруді ұйғарған, деп хабарлайды ZontNews.kz.
Кәсіпкер Алматы облысындағы Көлсай көлдерінде суға түскен сәтін көрсететін бейнеролик жариялады. Алайда бұл көлдер — шомылуға тыйым салынған қорғалған.
Павел Дуров Telegram арнасында бейнені «Бұл жақсы жүзу болды» деген жазбамен бөлісті.
«Көлсай көлдерінде шомылуға қатаң тыйым салынған. Бұл — әкімшілік құқық бұзушылық. Мұндай әрекет үшін айыппұл қарастырылған. Ортаңғы көлді парк қызметкерлері атпен кезекпен аралап тексереді, бірақ барлық аумақты бір мезетте бақылау мүмкін емес», – деді ұлттық парк әкімшілігі.
Көлсай көлдері — мемлекеттік ұлттық табиғи парктің бөлігі. Мұндай әрекет ҚР ӘҚБтК-нің 380-1-бабына сәйкес 10 АЕК немесе 39 320 теңге айыппұл салуға себеп болуы мүмкін.
Алайда мұндағы судың қауіптілігі ережемен ғана емес, табиғи жағдаймен де байланысты. Тіпті жазда да судың температурасы +6–8°C шамасында, сондықтан мұндай «жүзу» дене тоңуына әкелуі ықтимал.
Ұлттық парктегі кей қызметкерлер бейненің түпнұсқалығына күмән келтіріп отыр. Олардың пікірінше, кадрлар монтаждалған немесе нейрожелі арқылы жасалған болуы мүмкін. Дегенмен Павел Дуров роликті жеке арнасында жариялағандықтан, күмәнға орын жоқ.
Павел Дуровтың Қазақстанға сапары ресми деңгейде өтті. Ол бірнеше күн бұрын Digital Bridge 2025 форумында Президент Қасым-Жомарт Тоқаевпен кездесіп, цифрлық технологиялар, киберқауіпсіздік және жасанды интеллект тақырыптарын талқылады. Telegram компаниясы Қазақстанда кеңсе ашып, Astana Hub резиденті болды және AIlem.Ai орталығында жасанды интеллект зертханасын іске қосты.
Егер видео шын болса, Павел Дуровтың Көлсайдың мұздай суындағы жүзуі оның Қазақстан сапарының ең көп талқыланған сәтіне айналып, әкімшілік құқық бұзушылық ретінде қарастырылуы мүмкін.