Қаһар Бинахметов 
Білім және ғылым министрі Ғани Бейсенбаев мектептердегі оқу жылының ұзартылу мүмкіндігі туралы пікір білдірді, деп хабарлайды ZontNews.kz.
Министрдің айтуынша, қазіргі таңда бұл мәселе ашық күйінде қалып отыр, алайда жақын арада өзгерістер болмауы ықтимал.
«Қазіргі уақытта оқу жылын ұзарту мәселесі қарастырылып жатқан жоқ. Ең алдымен, білім беру инфрақұрылымын толықтай реттеу қажет. Ел бойынша мыңнан астам мектеп капитальды жөндеуді және жаңартуды қажет етеді. Оқу сыныптары қазіргі заманғы стандарттарға сай жабдықталуы тиіс», — деді министр.
Ғани Бейсенбаев жаңашылдықтар мектептер инфрақұрылымдық тұрғыда толық дайын болғаннан кейін ғана мүмкін екенін атап өтті.
«Барлық білім беру ұйымдары талаптарға сай болғанда ғана осындай бастамаларға қайта оралуға болады. Биыл оқу жылының ұзартылуы сөзсіз болмайды», — деді ол.
Осылайша, 2025-2026 оқу жылында Қазақстан мектептеріндегі оқу кестесі өзгеріссіз қалады. Бұған дейін Білім министрлігі 2025-2026 оқу жылына арналған оқу басталуы, ұзақтығы және демалыс кезеңдерінің күндерін бекіткен болатын.