Қаһар Бинахметов 
Израиль Қорғаныс күштері (ЦАХАЛ) Газа қаласына шабуыл жасап, оның шеткі аудандарын бақылауға алғанын хабарлады. Бұл туралы ЦАХАЛ өкілі, бригадалық генерал Эфи Дефрин айтты, деп жазады ZontNews.kz.
Генералдың сөзінше, ХАМАС ұйымына жасалатын соққылар қарқынды түрде жалғасады. Ол ұйымды қазіргі кезде «зақымданған партизандық топ» деп сипаттады. ЦАХАЛ бейбіт тұрғындардың қауіпсіз эвакуациясы мен гуманитарлық және медициналық көмек алуын қамтамасыз ету шараларын қолға алғанын да атап өтті.
Дефриннің хабарлауынша, осы аптада Израиль резервистеріне шамамен 60 мың шақыру жіберіледі, ал ай соңына дейін тағы 20 мың шақыру таратылады. Резервистер негізінен қыркүйек айында қызметке шақырылады, ал алдағы күндері Газа қаласына шабуылға негізінен әрекеттегі әскери бөлімдер қатысады.