Қаһар Бинахметов 
Жетісу облысындағы «Қазпошта» филиалында миллиондаған теңге жымқырылғаны анықталды, деп жазады ZontNews.kz.
Ұлттық пошта операторында әр ай сайын ірі ұрлықтар тіркелген. Жетісу филиалындағы ұрлықтар компанияның өз ревизорлары арқылы табылған.
«Қызметтік тексеру көктемде жүргізілді. Нәтижелері таңқаларлық болды: 24,7 миллион теңге кассаға жетпеген. Есеп жүйесі арқылы жалған операциялар жасалған, салынған төлемдер жеке меншігіне алынған және есеп-қисап құжаттары бұрмаланған», – деп хабарлады ұлттық оператор.
Қазір істі экономикалық тергеулер департаменті қарайтын болады.