Қаһар Бинахметов 
Ақтөбе облысында полицей үйқамақтан қашып шығып, ауыр қылмыс жасады деген күдікке ілінді, деп хабарлайды ZontNews.kz.
Алдымен ол мас жүргізушіден пара алды деген күдікпен ұсталған. Алдын ала мәлімет бойынша, ақша алған соң ол үйқамаққа жіберілген.
Алайда күдікті электрондық білезікті шешіп, үйқамақтан қашып кеткен. Содан кейін бұрынғы сүйіктісіне барып, зорлады деген айып тағылды. Жәбірленуші полицияға арыз берген.
Бұл ақпаратты Ақтөбе облыстық полиция департаменті растады. Ведомство тек күдіктінің ұсталғанын хабарлап, басқа деректерді ашқан жоқ.