Қаһар Бинахметов 
17 қыркүйекте сағат 14:06-да Алматыдағы «Арасан» монша кешенінің бірінші қабатындағы бу бөлмесінде ағаш қаптама өртеніп, түтін ғимаратқа тез тараған, деп хабарлайды ZontNews.kz.
Оқиға орнына дер кезінде жеткен құтқарушылар адамдарды сыртқа шығарды.
Жалын көрші кабиналарға және желдеткіш арқылы жоғарғы қабаттарға өтуі мүмкін болған. Алайда шамамен жарты сағат ішінде өрт толық сөндірілді. Қаза тапқандар мен зардап шеккендер жоқ.
Қазір өрттің шығу себебі анықталып жатыр.
«Арасан» монша кешені Алматының танымал орындарының бірі саналады. Ол 1970-жылдардың соңында салынған. Мұнда Виктор Цойдың қатысуымен түсірілген «Ине» фильміне кадрлар түсірілген.