Қаһар Бинахметов 
Бүгін Алматыда Қазақстанның Халық қаһарманы, көрнекті мемлекет және қоғам қайраткері, ғарышкер Талғат Мұсабаевпен қоштасу рәсімі өтуде. Ол 4 тамыз күні 75 жасында дүниеден өтті.
Қоштасу рәсімі Офицерлер үйінде ұйымдастырылды. Таңертең ғимаратқа Мұсабаевтың мәйіті жеткізілді. Онымен қоштасуға туған-туыстары, достары, әріптестері, билік өкілдері, қоғам белсенділері мен журналистер жиналды.
28 гвардияшы-панфиловшылар атындағы саябақта сап түзеген әскери құрамалар үш мәрте ғарышқа ұшып, қазақстандық ғарыш саласының дамуына зор үлес қосқан тұлғаға құрмет білдіру үшін орналастырылды.
Талғат Мұсабаев туралы әріптесі, кеңестік және ресейлік ғарышкер Сергей Крикалёв те пікір білдірді. Ол Мұсабаевтың кәсіби шеберлігі мен сенімділігін атап өтіп, оның халықаралық ғарыштық ынтымақтастыққа қосқан үлесін жоғары бағалады.