By Қаһар Бинахметов 
Алматыда заңсыз салынған таунхаусты сүру кезінде оның иесі өзін өртемек болып, қайғылы жағдайдың алдын алу қажет болды. Бұл туралы Мәжіліс депутаты Бақытжан Базарбек мәлімдеді, деп жазады ZontNews.kz.
Оқиға Ерменсай ықшамауданында тіркелді. Бұл аудан құрылысқа қатысты даулар жиі тіркелетін аумақтардың қатарында. Депутаттың айтуынша, азамат ауыл шаруашылығы мен бағбаншылыққа арналған жер теліміне екі көппәтерлі тұрғын үй салған. Бұл құрылысқа тиісті рұқсат құжаттары болмаған.
«Сот шешімімен бұл құрылыстарды бұзу көзделген. Шешім орындала бастағанда, үй иесі өзін өртеп, наразылық білдірмек болды. Ол сүру жұмыстарына кедергі келтіріп, сот орындаушысының қызметіне бөгет жасады», — деді депутат Instagram парақшасында жариялаған видеода.
Дегенмен сот шешімі орындалып, үй сүрілді.
Бақытжан Базарбек бұл оқиғаны қалада заңсыз құрылыстардың жолын кесу үшін тиісті шаралар қажет екенін еске салатын кезекті мысал ретінде бағалады.
Айта кетейік, 2024 жылдың желтоқсанында Маңғыстау облысында да осындай қайғылы жағдай тіркелген болатын. Ол кезде азамат әкіммен кездесуге рұқсат берілмеген соң, әкімдік ғимаратының алдында өзін өртеп, қаза тапқан еді.