Қаһар Бинахметов 
Семейде 39 жастағы ер адам өзін мүгедек етіп көрсетіп, сауда үйінің маңында қайыр сұрағаны үшін ұсталды, деп хабарлайды ZontNews.kz.
Абай облыстық полициясының мәліметінше, ол Засядко көшесіндегі сауда үйінің алдында отырып, инсульттің салдарын имитациялап, өтіп бара жатқан адамдарды алдап, оларға аяушылық тудырған.
Полиция өкілдері «ер адамға ерікті белсенділердің бірі материалдық көмек көрсеткен, бірақ кейін әлеуметтік желі қолданушылары оның денсаулығында ешқандай проблема жоқ екенін хабарлады» деп мәлімдеді.
Ұсталған азаматқа қайыр сұрағаны үшін әкімшілік іс қозғалып, Семейдің мамандандырылған әкімшілік соты оны бес тәулікке қамауға алу туралы шешім шығарды.
Полиция хабарлауынша, ер адам жазасын өтеп, қала тұрғындарынан ашық түрде кешірім сұраған.