Қаһар Бинахметов 
Қазақстанның тұңғыш президентінің баспасөз хатшысы Айдос Үкібай Сара Назарбаеваның денсаулығына қатысты мәлімдеме жасады, деп хабарлайды ZontNews.kz.
Үкібайдың айтуынша, сәуір айынан бері Сара Алпысқызы Алматыдағы Президент іс басқармасы Медициналық орталығының Ұлттық госпиталінде ем қабылдап келеді.
«Барлық медициналық шаралар бекітілген стандарттарға сай және отандық мамандардың бақылауымен жүргізіліп жатыр» — деді ол.
Баспасөз хатшысы бұқаралық ақпарат құралдары мен әлеуметтік желі қолданушыларын бұрынғы бірінші ханымның жағдайына байланысты тексерілмеген ақпарат таратпауға шақырды.
«Сенімді мәліметті тек ресми дереккөздерден алу қажет» — деді Айдос Үкібай.