Қаһар Бинахметов 
Қазақстан президенті Қасым-Жомарт Тоқаев оқу-ағарту министрі Ғани Бейсембаевты қызметінен босатты, деп хабарлайды ZontNews.kz.
Ғани Бейсембаев Алматы мемлекеттік университетін бітірген, философия және психология ғылымдарының докторы. 2022 жылы вице-министр қызметін атқарды, ал 2023 жылғы 4 қаңтардан бастап оқу-ағарту министрі болды.
Оның орнына Жұлдыз Сүлейменова тағайындалды.
Жұлдыз Сүлейменова еңбек жолын студенттік басқарма төрағасы ретінде бастап, кейін әртүрлі оқу орындарында мұғалім, декан, проректор орынбасары және департамент директоры қызметтерін атқарған. 2012–2017 жылдары «Назарбаев Зияткерлік мектептері» ұйымында білім бағдарламаларын дамыту мен басқаруға жауапты болған. 2021–2023 жылдары VII шақырылым мәжіліс депутаты, ал 2023 жылдан бастап VIII шақырылым мәжіліс депутаты болып келді.