Қаһар Бинахметов 
Қасым-Жомарт Тоқаевтың жарлығымен Ержан Қазыхан халықаралық мәселелер жөніндегі президент көмекшісі қызметінен босатылды, деп хабарлайды ZontNews.kz.
Басқа жарлықпен ол Қазақстанның Женева қаласындағы БҰҰ және өзге халықаралық ұйымдар жанындағы тұрақты өкілі болып тағайындалды. Бұған дейін бұл қызметті атқарған Ерлан Әлімбаев лауазымынан босатылды.
Ержан Қазыхан Қазақстанның БҰҰ жанындағы тұрақты өкілдігінде (Нью-Йорк) бірінші хатшы және кеңесші, СІМ-нің көпжақты ынтымақтастық департаментінің директоры, Нью-Йорктегі БҰҰ жанындағы тұрақты өкіл, Кубада елші (қоса атқарған), сыртқы істер министрінің орынбасары, Австрияда елші, Венадағы халықаралық ұйымдар жанындағы тұрақты өкіл, сыртқы істер министрі, Ұлыбритания, Ирландия, Исландия және АҚШ-та елші, президенттің халықаралық ынтымақтастық жөніндегі арнайы өкілі, президент әкімшілігі басшысының орынбасары қызметтерін атқарды.
Ол әр жылдары бірнеше рет президент көмекшісі болды. Соңғы рет бұл лауазымға 2023 жылдың қыркүйегінде тағайындалған еді.