Қаһар Бинахметов 
Париж соты Францияның бұрынғы президенті Николя Саркозиді 2005–2007 жылдары Муаммар Каддафи басшылық еткен Ливия билігінен қаржы алғаны үшін кінәлі деп таныды, деп хабарлайды ZontNews.kz.
Тергеу 2012 жылы Mediapart басылымы Ливия билігінің Саркозидің президенттік науқанына 50 миллион еуро бөлу туралы құжаттарды жариялағаннан кейін басталды. 2016 жылы франко-ливандық кәсіпкер Зияд Такиеддин 2006 жылдың соңында және 2007 жылдың басында Ливиядан сол кезде Саркози басқарып отырған Францияның Ішкі істер министрлігіне бес миллион еуро қолма-қол ақшасы бар чемодандарды жеткізгенін мәлімдеді.
Саркозиге осы іс бойынша мемлекеттік қаражатты ұрлау және пассивті сыбайлас жемқорлық айыптары да тағылды. Экс-президентке қатысты үкім кейінірек жарияланбақ.
Айыптаушылар тарапынан Францияның бұрынғы президентін жеті жылға бас бостандығынан айыру сұралды. Алайда Саркози барлық айыптауларды жоққа шығарды. Ол 2007 жылдан 2012 жылға дейін Франция президенті қызметін атқарған.