Қаһар Бинахметов 
Жетісу облысында әскери қызмет атқарып жүрген сарбаз оқ тиіп қаза тапты, деп хабарлайды ZontNews.kz.
Десанттық-шабуылдаушы әскерлердің баспасөз қызметінің мәліметінше, оқиға жауынгерлік дайындық кезінде қарумен жұмыс барысында қауіпсіздік талаптарының сақталмауынан болған.
Қазіргі уақытта қылмыстық іс қозғалып, тергеу жүргізілуде.
«Лауазымды тұлғалардың салғырттығы немесе бақылаудың болмауы анықталса, кінәлілер заңға сәйкес ең қатаң жауапқа тартылады. Бұл оқиға Қорғаныс министрінің жеке бақылауында тұр», – деп хабарлады ҚР Қарулы Күштері Десанттық-шабуылдаушы әскерлерінің баспасөз қызметі.
Қорғаныс министрлігі марқұмның отбасына қолдау көрсетілетінін хабарлады.
Айта кетейік, бұған дейін 17 қыркүйекте Алматы облысының Жамбыл ауданындағы Отар гарнизонында 19 жастағы сарбаз өзіне қол жұмсады.