Қаһар Бинахметов 
АҚШ-та Тупак Шакурдың 1996 жылғы қастандықпен өлтірілуіне қатысты іс жалғасып жатыр, деп хабарлайды ZontNews.kz USA Today-ге сілтеме жасап.
Бұл іске байланысты басты айыпталушы Дуэйн Кит «Кеффи Ди» Дэвис сотта продюсер әрі музыкант Шон «P.Diddy» Комбстың Тупак пен Шуг Найтты өлтіруге бір миллион доллар төлегенін айтты.
USA Today зерттеген полиция материалдары мен сот құжаттарында Комбс қастандықты жеке талқылағаны және Шакурға оқ атылған Cadillac көлігінің жалдау ақысын өзі төлеген болуы мүмкін екені жазылған.
Алайда Дидди бұл айыптауларды жоққа шығарып, «менің атымды ақша табу үшін пайдаланып отыр» деп мәлімдеді. Ол Тупак ісінде күдікті ретінде танылмаған және ресми тергеуге тартылмаған.
Қазір Кеффи Ди сол атысқа қатысқан жалғыз тірі куәгер ретінде 2026 жылы өтетін сотты күтуде. Оның айыпталуы үш онжылдық бойы жабулы қалған істі қайта қозғады.
Сонымен қатар Диддиге қатысты басқа да қылмыстық істер қаралуда. Олардың қатарында жыныстық зорлық, бопсалау және еркінен айыру айыптары бар. Кейбір арыздарда ол Тупактың өліміне қатысы барын мақтан еткен деген дерек келтірілген.
Өткен жылы оған жыныстық зорлық пен секс-құлдық ұйымдастырды деген айып тағылып, 2 шілдеде кінәлі деп танылды. Қазір оған 10 жылға дейін бас бостандығынан айыру жазасы қаупі төніп тұр.