Қаһар Бинахметов 
Алматы облысының прокуратурасы Талғар аудандық полиция қызметкерлеріне қатысты қылмыстық іс қозғады, деп жазады ZontNews.kz.
Тергеу нұсқасына сәйкес, олар күдіктіні дер кезінде қамауға алмаған. Кейін сол адам ауыл тұрғынын өлтіріп, екі жасар қызды ұрлап кеткен. Іс арнайы прокурорларға беріліп, ерекше бақылауға алынды. Қыз бала аман құтқарылып, анасымен қауышты. Күдікті ұсталды.
Еске сала кетейік, ер адам бүлдіршінмен бірге көлігін жардан тастамақ болған. Бала тірі қалып, оған шұғыл операция жасалды.
Адвокат Гаухар Сариева қыздың тіліне сегіз тігіс салынғанын, денесінде жарақаттар бар екенін айтты.
«Ол қызға қол көтермеген. Бұл нағыз керемет жағдай болды», – деп жазды ол әлеуметтік желіде.
Белгілі болғандай, бүлдіршіннің анасы – медбике. Қанды оқиға кезінде ол көршісінің үйінде болып, науқасқа жүйе қойып жатқан.
«Егер ол сол сәтте үйде болғанда, жағдайдың қалай аяқталатынын елестету қиын», – деді Сариева.
Адвокаттың айтуынша, күдікті – автосервис қызметкері. Бір ай бұрын ол қыздың анасын зорлады деп айыпталған, бірақ полиция ешқандай шара қолданбаған. Бірнеше күн бұрын Сариева мен жолдасы оны өздері ұстап, полицияға тапсырғанымен, келесі күні ол босатылып шыққан. Осыдан кейін күдікті жәбірленушіге қоқан-лоқы жасап, ақыры оның бауырын өлтіріп, қызды алып кеткен.