Ақмола облысында жаңа мектептер салынып, ескілері жөнделіп жатыр

Ақмола облысында биыл мемлекеттік тапсырыс аясында бес мектептің құрылысы жүріп жатыр, деп жазады ZontNews.kz.

Бұланды ауданы және Петровка ауылындағы мектептер пайдалануға берілді. Бұл туралы облыстық құрылыс, сәулет және қала құрылысы басқармасының міндетін атқарушы Азамат Байқонышев мәлімдеді.

Басқарма басшысының орынбасары Нияз Байғожиннің айтуынша, мердігерлер кінәсінен созылып кеткен нысандар жоқ. Алайда кейбір жобалар қаржыландыру мәселесіне байланысты кешігіп отыр.

«Қазір басталған нысандарды аяқтап жатырмыз. Жаңа жобаларға қаржы бөлінгеннен кейін іске кірісеміз», — деді ол.

Сонымен қатар жеке инвесторлар екі мектептің құрылысын жүргізіп жатыр. Бұдан бөлек, 77 білім беру нысанында жөндеу жұмыстары жүріп жатыр. 2027 жылға дейін өңірдегі 90 мектепті жаңарту жоспарланған.