Қаһар Бинахметов 
Жергілікті әкімдіктер 2025-2026 оқу жылына 1729 мемлекеттік білім беру грантын бөлу конкурсын жариялады, деп жазады ZontNews.kz.
Гранттар басым мамандықтар бойынша нысаналы даярлыққа бөлінеді. Биыл ең көп грант – 526 грант – Астана қаласының әкімдігіне тиесілі. Одан кейінгі орында Шығыс Қазақстан облысы (299 грант), Шымкент қаласы (285), Атырау облысы (265), Жамбыл облысы (215), Абай облысы (200), Түркістан (180), Батыс Қазақстан облысы (128) және Маңғыстау облысы (108) тұр. Басқа өңірлер 100-ден аз грант бөлді.
Білім беру грантына үміткерлер жоғары оқу орындарының қабылдау комиссияларына өтініш беруі тиіс. Сондай-ақ олар білімі туралы құжатты, ҰБТ сертификатын, жеке куәліктің көшірмесін және жеңілдік санатын растайтын құжаттарды (қажет болған жағдайда) тапсырады.
Құжаттарды қабылдау мерзімі туралы толық ақпаратты әкімдіктер мен жоғары оқу орындарының қабылдау комиссияларынан алуға болады. Грант бөлу туралы шешімді әкімдік жанындағы арнайы комиссия қабылдайды. Жоғары оқу орындарына қабылдау 25 тамызда аяқталады.