Қаһар Бинахметов 
Қазақстанның Украинадағы елшілігінің әскери атташесінің көмекшісі Польшада тыңшылық әрекетке қатысты ұсталды, деп жазады ZontNews.kz ҚазТАГ агенттігіне сілтеме жасап.
Польша Ішкі қауіпсіздік агенттігі (ABW) «посткеңестік азиялық елден келген тыңшысын» дипломатиялық жеңілдікпен Еуропада жұмыс істеп жүрген кезде ұстағаны туралы мәлімдеді.
Польша тарапынан алынған мәліметке қарағанда, ол әскери барлау қызметінің штаттық офицері болып табылады. Ол Польша мен оның одақтастарының ұлттық қауіпсіздігі мен әскери инфрақұрылымына қарсы әрекет жасаған.
Польша хабарламасында тыңшының 2025 жылғы 15 наурыздан 30 шілдеге дейін Быдгощ пен Варшава қалаларында барлау қызметімен айналысқаны көрсетілген. Ол 30 шілдеде Быдгощта қамауға алынды, сот оны үш ай қамауда ұстау туралы шешім шығарды. Қылмыстық айыптауларға жауап ретінде ол кінәсін мойындамай, қысқаша түсініктеме берген.
Егер кінә дәлелденсе, Польша заңдары бойынша оған бес жылдан 30 жылға дейін бас бостандығынан айыру жазасы қолданылуы мүмкін.
Польша премьер-министрі Дональд Туск әлеуметтік желілерде «Ел қауіпсіздігіне қауіп төндіретіндердің бәрі кеш немесе ерте ұсталады» деп мәлімдеді.